اپنے لیے فیس ماسک بنانے کا طریقہ

پبلک مقامات میں فیس ماسک پہننا عام آداب کی عالمی شکل اختیار کرتی جا رہی ہے۔  آداب سے مراد شائستگی اور احترام  ہے نہ کہ دوسروں کو دکھانے کے ۔ جب بھی آپ پبلک مقامات میں ہوتے ہیں تو ماسک پہن کر رکھیں، جس سے ظاہر ہوتا ہے کہ آپ خود کو اور اپنے آس پاس کے لوگوں کو عالمی وباء سے بچا رہے ہے اور آپ انہیں دکھا رہے ہیں کہ آپ کرونا وأرس کے پھیلاؤ کو کم کرنے کے لئے اپنی پوری کوشش کر رہے ہیں۔ مزید جاننے کے لئے پڑھتے رہیں کہ آپ اپنے لیے فیس ماسک کیسے بنائیں اور اسے کس طرح صحیح طریقے سے استعمال کریں اور صاف رکھیں۔

فیس ماسک بنانے کے دو آسان طریقے۔

کا فیس ماسک T-shirt

ایک صاف ٹی شرٹ اور قینچی کا بندوبست کریں۔

ٹی شرٹ کے نچلے حصے سے 18-20 سنٹی میٹر کاٹیں۔

مٹیریل کے درمیان سے 15-17 سینٹی میٹر لمبا مستطیل کاٹ کر پھر ٹائی ڈور کاٹ لیں۔

ایک ڈور اپنی گردن کے گرد اور ایک اپنے سر کے اوپری حصے باندھیں۔

بندانہ/رومال والا چہرے کا ماسک

رومال، بندانا، یا سوتی کا بنا ہوا کوئی مربع اور دو ربڑ بینڈ یا بال باندنے والا ربڑ تلاش کریں

ماسک بنانے والی رومال کو درمیان سے فولڈ کر دیں

ماسک بنانے والے کپڑے کا اوپر والا حصہ نیچے اور نیچے والا اوپر کی مانند کر کے فولڈ کریں۔

ماسک بنانے والے کپڑے پر ربڑ کے بینڈ یا بالوں کا ربڑ ایک دوسرے سے 15 سینٹی میٹر کے فاصلے پر رکھیں

سائیڈوں کو اندر کی طرف فولڈ کریں اور ایک کونے کو دوسرے کونے کے ساتھ ٹک کریں۔

اب آپ کا ماسک تیار ہے ، اور آپ اسے استعمال کر سکتے ہیں ۔

ماسک کو صحیح طریقے سے استعمال اور صاف کرنے کا طریقہ

عالمی ادارہ صحت کے مطابق ماسک تب ہی مؤثر ہوتے ہیں جب آپ بار بار ہاتھ دھونے ہیں۔ ماسک لگانے سے پہلے اپنے ہاتھوں کو صابن اور پانی سے دھوئیں یا ہاتھ کی سینیٹائزر سے دھوئیں۔ ایک بار ماسک لگانے کے بعد اس بات کو یقینی بنائیں کہ آپ کے چہرے اور ماسک کے درمیان خالی جگہ نہ ہو اور آپ کو سانس لینے میں دشواری نہ ہو۔ آپ کا ماسک آپ کے چہرے کے گرد مضبوطی سے اور آرام سے فٹ ہونا چاہئے۔

ماسک پہننے کے دوران، ماسک کو چھونے سے گریز کریں۔ اگر آپ غلطی سے چھوتے ہیں تو، براہ کرم جلد سے جلد اپنے ہاتھ دھوئیں۔ نم ہوتے ہی ماسک کو تبدیل کریں اور واحد استعمال ماسک کو دوبارہ استعمال نہ کریں۔

جب آپ ماسک کو ہٹا رہے ہوں تو اس بات کو یقینی بنائیں کہ کان کے لوپس/ٹایٔوں کا استعمال کرتے ہوئے اسے ہٹا دیں اور ماسک کو سامنے سے نہ ہٹایٔن۔ اس کے علاوہ محتاط رہیں کہ ماسک ہٹاتے وقت اپنی آنکھوں، ناک اور منہ کو چھونے سے گریز کریں۔ ماسک اتارنے کے فوراً بعد ہاتھ دھو لیں۔

ہیلتھ حکام کا مشورہ ہے کہ آپ اسے استعمال کرنے کے بعد اپنے کپڑے کا ماسک دھوئیں۔ آپ ماسک کو یا تو مشین میں ڈیٹرجنٹ سے دھویں، ہاتھ سے دھونا ہے تو صابن اور گرم پانی سے دھویں، یا کسی بڑے برتن میں کئی منٹ تک ابال کر صاف کرسکتے ہیں۔ جب اس میں سوراخ نظر آینگے تو ماسک پھینک دیں۔